Инновационная система работы школы в условиях развития СТЕМ-образования детей младшего школьного возраста

2018-19 үөрэх сылын кулун тутар 6 күнүгэр  Соморсун орто оскуолатыгар ,,Инновационная система работы школы в условиях развития СТЕМ-образования детей младшего школьного возраста” диэн оҕо интеллектуальнай дьоҕурун сайыннарар бырайыак уруок таһынан үлэтин билсиһиннэрэр уонна ону тула кэпсэтиини ыытар улуустааҕы семинар буолан ааста. Семинар аһыллыытыгар оскуола директора Кононова В.И. бу проегынан Федеральнай эксперимеҥҥэ хаһан киирэн хайдах үлэлэрин саҕалаабыттарын туһунан сиһилии кэпсээтэ уонна семинарга кэлбит учууталларга күн устата ситиһиилээх үлэни баҕарда. Ону таһынан алын сүһүөх методическэй холбоһугун салайааччыта Кириллина Г.И. бырайыак үлэтин, сыалын-соругун уонна хайысхаларын ис хоһоонун билсиһиннэрдэ. Ыалдьыттарга 3,4 кылаас уолаттара хоһоонунан, ырыанан  эҕэрдэлэрин тириэртилэр.

Оскуолаҕа ментальнай арифметика дьарык быһыытынан 2018 сыл олунньу ыйыттан ыытыллар. Манна 1-5 кылаастан баҕалаах оҕолору математика учуутала Капитонова С.А. үөрэтэр. Семинарга бастакы дьарыгы кини ыытта. Бу дьарык оҕо өйүгэр суоттуур дьоҕурун эрэ буолбакка, кини мэйии икки полушариетын тэҥҥэ сайыннарар, кини түргэнник ааҕар, суоттуур, анааран, ойуулаан көрөр, көрбүтүн өйүгэр хатыыр дьоҕурун күүһүрдэр диэн Саина Александровна кэпсээтэ. Оҕолор  абакус диэн счётунан, таблицанан, ону таһынан өйгө суоттуур дьоҕурдарын көрдөрбүттэрин, араас толкуйдатар сорудахтары толорбуттарын семинар кыттыылаахтара сэҥээрдилэр. Ону таһынан учууталларга туспа ментальнай арифметика5а счёту туттуу быраабылатын быһаарар, үлэ көрүнэринэн эрчиллии албастарыгар үөрэтэр дьарыгы туспа ыытта.

Иккис аһаҕас дьарыгы саахымакка эбии үөрэхтээһин учуутала Смитина М.С.ыыппыта эмиэ улахан сэҥээриини ылла. Ол курдук ыалдьыттарбыт оҕолору кытта тэҥҥэ таабырын таайыстылар, ,,Хоруолга биир хаамыынан маат биэр”диэн саахымат соруда5ын оҥордулар, 1,3 кылаас үөрэнээччилэрэ Кутукова Айсена, Семенов Кэскил маастар кылаастарын сэҥээрэ көрдүлэр уонна демонстративнай дуоскаҕа тахсан бэйэлэрэ эмиэ кыттыыны ыллылар.

Онтон  ,,Конструирование уонна робототехника”дьарыгы информатика учуутала Софронеев Нь.Д. ыытта. Манна оҕолор икки хамаанданан Lego wedo программаҕа киирэн үлэлээтилэр уонна оҥорбут үлэлэрин компьютерга холбоон көрдүлэр.

,,Остуол оонньуулара”тиэмэҕэ оҕолор хабылык, хаамыска, дуобат, логическай домино, конструктор, мозаика, аптаах кольцо о.д.а. оонньууларын туһунан алын сүһүөх кылаас учууталлара Наумова А.Ф., Софронеева М.П. кэпсээтилэр. Оҕолор төрөппүттэрин кытта бэйэлэрэ көрөн уонна айан илиилэринэн оҥорбут оонньуурдарын, кинигэлэрин көрдөрдүлэр. Софронеева Тася сорудахтаах пирамидатын, Корякина Кристина кубик-рубигы хайдах хомуйарын, 3,4 кылаас уолаттара легонан  дьарыктаналларын, оҥоһуктарын, сөбүлүүр оонньуурдарын туһунан билсиһиннэрдилэр. Ону таһынан Лебедева Анжелина глицерининэн араас быһыылаах, өҥнөөх, сыттаах мыыланы, Давыдова Даайа саахарынан минньигэс муус кэмпиэти  хайдах оҥороллорун туһунан кэпсээтилэр. Бу ,,Бизнес-инкубатор” бырайыакка бастакы хардыылара буоларын бэлиэтээн эттилэр.

Экология учуутала Фёдорова А.А. ,,Төрөөбүт дойдубут экологията” кылаас таһынан дьарыгар баҕалаах оҕолору ылан дьарыктыырын туһунан кэпсээтэ. Оҕолор чинчийэр үлэни ыытан, дакылаат суруйан, күрэхтэргэ кыттыбыт үлэлэрин көрдөрдө. Сайын ньээм сибэккититтэн мүөт оҥорбуттарын туһунан билсиһиннэрдэ.

Салгыы КириллинаГ.И. ,,Эн эйгэҥ” дьарыкка мультик устуу ньыматын кэпсээтэ. Аахпыт айымньыларыгар пластилинтан остуоруйа геройдарын оҥорон устубут мультиктарын холбоон көрдөрдө. Инникитин бу дьарыгы аныгы технологиянан сайыннарар былааннаахтарын эттэ.

Онтон ИМО салайааччыта Давыдова Э.В. ,,Игровая технология ЖИПТО: достижения, перспективы развития” тиэмэҕэ ,,Сонор” оонньуу туһунан кэпсээтэ. Бу оонньуу оҕо сайдыытыгар, олоҕор ситиһиилээх буоларыгар биир сүрүн олук буолара саарбаҕа суох диэн бэлиэтээтэ. Оҕону уһуйаантан саҕалаан ситимнээхтик салгыы дьарыктаан сайыннарар тоҕоостооҕун эттэ. Иитээччи Караканова А.А. ,,Чэчир” уһуйааҥҥа сонору ыытар дьарыгын билсиһиннэрдэ. Эмма Васильевналыын семинары истээччилэргэ маастар кылаас көрдөрдүлэр,  дьарык сүрүн өйдөбүлүгэр  үөрэттилэр.

Түмүгэр бу күннээҕи үлэ чэрчитинэн кэпсэтии, ону тула санаа атастаһыыта буолла. Үөрэхтээһин инники сайдыытыгар баҕа санааларын эттилэр, сүбэлэри иһиттибит. Кэлэн кыттыыны ылбыт учууталлар истиҥник көрсүбүттэрин, туһалаах семинары ыыппыттарын иһин оскуола коллективыгар, директор Кононова В.И. уонна Огоюкина Е.В., ИМО салайааччыта Давыдова Э.В. махтаннылар.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s