Ахсынньы 21 күнүгэр куйаар ситим нөҥүө Сулҕаччытааҕы “Чычып-чаап” уһуйаан иитээччилэрэ оҥорон таһаарбыт “Киистэ кэпсээнэ” карточкаларын уонна “Шедевр глазами ребенка” босуобуйаларын сүрэхтээтилэр.

“Чычып-чаап” талааннаах, идэлэригэр бэриниилээх иитээччилэрэ өр сылаах үлэлэрин түмүгүн, бэйэлэрин биир дойдулаахтарын, самодеятельнай худуоһунньук Рязанскай Николай Николаевич хартыыналарын кытта сибээстээбиттэрэ кэрэхсибиллээх.

Дьоро күн бэйэлэрин эҕэрдэлэрин тириэртилэр улуустааҕы үөрэх салалтатын начальнига Шишигин Юрий Егорович, “Бичик” национальнай кинигэ кыһатын үөрэх уонна оҕо кинигэтин киинин салайааччыта Никифорова Марина Георгиевна, дошкольнай үөрэхтээһин кылаабнай специалиһа  Чупрова Вера Васильевна, Сулҕаччы нэһилиэгин аҕа баһылыга Ксенофонтов Афанасий Егорович.

Киистэ кэпсээнэ карточкалар автордара Екатерина Филипповна Рязанская  хайдах үлэ барбытын олус үчүгэйдик кэпсээн сырдатта, худуоһунньук Николай Николаевич Рязанскай үлэҕитигэр туһаныҥ диэн бэйэтин санаатын эттэ, хоһооннорун, кэпсээннэрин айбыт Амма Даайыс оҕо сахалыы тылын сайдарыгар болҕомто ууруллара наадатын бэлиэтээн эттэ.

            “Киистэбит кэпсээнэ” хартыынаны сыныйан көрүүгэ, хоһоону, кэпсээни истиигэга, тыл саппааһын байытыы, ойуулаан кэпсииргэ, сэһэргэһиигэ үөрэтэр буолаҕына Шедевр глазами ребенка хартыынаны уруһуйдуурга араас ньыманан туһанан кэрэни айарга аналлаах босуобуйа буолар.

            Быйылгы үбүлөүйдээх сылбытыгар бу карточкалар уонна босуобуйа күндү бэлэх буолбуттарын бэлиэтиир наадалаах. Бу пособиелар күн сирин көрөн, республикабыт бары уһуйааннарыгар тарҕанан элбэх кыра оҕо, үөрэнээччи, иитээччи, учуутал туһаныа, билиэ-көрүө.

Бу пособиелары туһанан иитээччилэр, учууталлар оҕо сахалыы саҥатын, ойуулаан-дьүһүннээн кэпсиирин, кэрэни өйдөөн көрөрүн, кэрэттэн үөрэрин, кэрэҕэ тардыһарын, кэрэни айар баҕата сайдарын, араас ньыманы туһанан кэрэни айарын сайыннарыахтара. Чычып-чаап уһуйаан иитээччилэрэ Екатерина Филипповна көҕүлээһининэн Николай Николаевич Рязанскай хартыыналарын үйэтитэллэрэ хайҕаныан эрэ сөп. Билигин республикабыт хайа баҕарар муннугар кыра саастаах оҕотуттан саҕалаан Николай Николаевич хартыыналарын билэр буолуохтара диэн үөрэбит уонна киэн туттабыт.

Түмүккэ улуус уһуйааннарыттан иитээччилэрэ бу карточканан, босуобуйанан туһанан үлэлиэхтэрин биллэрдилэр, ааптардарга күндү бэлэхтэргэр махтаннылар.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s