Аммаҕа эдэр учууталлар улуустааҕы күрэстэригэр Ирина Олесова кыайыылааҕынан буолла

Улуустааҕы эдэр учууталлар күөн күрэстэригэр кыайыылааҕынан тахсыбыт Бөтүҥ орто оскуолатын омук тылын учуутала Ирина Олесова уонна лауреат үрдүк аатын сүкпүт учууталлар кулун тутар 16-25 күннэригэр илин эҥэрдээҕи түһүмэххэ кыттыахтара.

«Илин эҥэр — 2021 эдэр учуутала» улуустааҕы түһүмэҕэр үөрэх салалтатын начаалынньыга Юрий Шишигин, солбуйааччыта Надежда Яковлева, иһитиннэрэр -методическай салаа сэбиэдиссэйэ Тамара Федорова, кылаабынай исписэлиис Александра Никитина, сүрүннүүр исписэлиистэр Эмма Давыдова, Екатерина Огоюкина, экспердэринэн айылҕа предметтэригэр лицейтэн Александра Давыдова, Чакыртан Дария Николаева, Мээндигиттэн Ыйдана Иванова, политехническай наукаларга Амма 1№-дээх орто оскуолатыттан Егор Баттахов, Сулҕаччыттан Яна Максимова, Чакыртан Оксана Игнатьева, тыл үөрэхтэригэр үөрэх салалтатыттан Анна Попова, Амма 2№-дээх орто оскуолатыттан Ирина Бочкарева, Соморсунтан Алексей Неустроев, Амма 1№-дээх орто оскуолатыттан Валентина Хураганчык, лицейтэн Светлана Соловьева үлэлээтилэр. Талааннаах эдэр педагогтары таһаарар, кинилэр айымньылаах үлэлэрин өйүүр, сайдалларыгар кыаҕы биэрэр күрэхтэһиигэ методика семинара, уруок, маастар кылаас, тыл этии түһүмэхтэрин аастылар.  Быйылгы үөрэх дьылын кыттааччылара Сатаҕайтан физика уонна информатика учуутала Ньургун Давыдов, Соморсунтан биология уонна химия учуутала Тамара Никифорова, Покровкаттан алын сүөһүөх кылаас учуутала Уйгуйана Николаева, Сэргэ Бэстэн омук тылын учуутала Любовь Другина, Чакыртан педагог бибилэтиэкэр Амгалина Прокопьева, Бөтүҥтэн омук тылын учуутала Ирина Олесова, Соморсунтан информатика учуутала Ньургун Софронеев, Эмистэн технология уонна черчение учуутала Данил Тимофеев, Амма 2№-дээх орто оскуолатыттан математика учуутала Виктория Федорова, история учуутала Клавдия Дьячковская үлэлэрин бастыҥ уопутун билиһиннэрдилэр, учуутал быһыытынан сатабылларын көрдөрдүлэр. Үс түһүмэх түмүгүнэн хайысхаларынан бастыҥ учууталларынан айылҕа предметтэригэр Тамара Никифорова,  тыл наукаларыгар Ирина Олесова, политехническай наукаларга Виктория Федорова, алын сүһүөх кылаастарга Уйгуйана Николаева, Клавдия Дьячковская буоллулар. Оттон кылаан кыайыылааҕынан Бөтүҥтэн омук тылын учуутала Ирина Олесова ааттанна. Күрэхтэһии кыайыылаахтара кулун тутар 16-25 күннэригэр илин эҥэрдээҕи түһүмэххэ кыттыахтара.

«ХИФУ омук тылын уонна регионоведениетын институтун бүтэрэммин бу үөрэх дьылыгар Бөтүҥ орто оскуолатыгар учууталынан ананан үлэлии сылдьабын. Киһи эрэ үлэлиэх курдук саҥа таас дьиэҕэ, үчүгэй усулобуйаҕа үлэлиибит. Кэлэктиибим куруук көмө, сүбэ – ама буолар. Наставнигым нуучча тылын учуутала Айталина Гаврильевна көмөтө улахан. Сэттис кылаастарга салайааччынан үлэлиир буоламмын оҕолорбуттан эмиэ элбэххэ үөрэнэбин. Омук тылын учуутала буоларым быһыытынан улахан болҕомтобун бодоруһуу технологиятыгар уурарбын. Омук тыла хайа баҕарар норуокка олохторун ирдэбилинэн буолан эрэринэн оскуолаҕа олус наадалаах предмет.  Инники өттүгэр кэриэй тылын эбии дьарык быһыытынан оҕолорго үөрэтэр баҕалаахпын. Бу бастакы күрэхтэһиим, бастакы уопутум буолла. Манна кыттаммын элбэҕи аахтым, биллим — көрдүм, атын учууталлар уопуттарын билистим. Эдэр учууталлар бу курдук туохтан да чаҕыйбакка барытыгар инники күөҥҥэ сылдьалларыгар, олоххо көхтөөх буолалларыгар, бэйэлэрин куруук сайыннаралларыгар баҕарабын», — диэн санаатын үллэстэр күрэс кыайыылааҕа Ирина Олесова.

Ааптар: Алтана Артемьева

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s