Аммаҕа «Салайар оскуола» өрөспүүбүлүкэтээҕи семинара буолла

Аммаҕа «Салайар оскуола» иһинэн «Оскуола иннинээҕи үөрэхтээhин тэрилтэтигэр оҕону хабыы уонна үөрэхтээhин хаачыстыбатын үрдэтии» диэн ааттаах өрөспүүбүлүкэтээҕи семинар үрдүк таһымҥа буолла. Тэрээһини үөрэх министиэристибэтэ уонна улуус үөрэхтээһиҥҥэ салалтата иилээн -саҕалаан ыыттылар.

Аммаҕа ыытыллыбыт өрөспүүбүлүкэтээҕи семинарга араас улуустартан 17 оскуола иннинээҕи үөрэхтээһини салайар үөрэх салалталарын исписэлиистэрэ кыттан,сыл устата ыытыллыахтаах тэрээһиннэри торумнаатылар, ханнык хайысхаҕа үлэ барыахтааҕын туһунан дьүүллэстилэр.

Семинарга улуус баһылыгын социальнай боппуруоска солбуйааччы Саргылана Борисова кытынна, улууска оскуола иннинээҕи үөрэхтээһин тэрилтэлэригэр барар үлэни, туох  көмө оҥоһулларын, инники соруктары билиhиннэрдэ. Yѳрэх министиэристибэтин оскуола иннинээҕи үөрэхтээһин сүрүннүүр исписэлииһэ Туйара Васильева ыытыллар тиэмэнэн иhитиннэриини онордо, бу хайысханы сайыннарарга туох соруктар туралларынбилиhиннэрдэ. Үөрэх үлэһиттэрин идэтин үрдэтэр институт оскуола иннинээҕи үөрэхтээһин кафедратын дассыана Татьяна Холмогорова үөрэхтээһин хаачыстыбатын кэтээн көрүүгэ дириҥ ис хоһоонноох лиэксийэни аахта. Улуус оскуола иннинээҕи үөрэхтээһинин тиһигин туругун, хайысхаларын, араас таһымнаах бырайыактарга кыттыытын, инники соруктарын, кыһалҕаларын туһунан үѳрэх салалтатын салайааччыта Юрий Шишигин сүрүн дакылааты оҥордо.
Ону таһынан уопсай үөрэхтээһин салаатын салайааччыта Мария Кузьмина, исписэлиис Туйаара Иванова, оскуола иннинээҕи үөрэхтээhини сүрүннүүр исписэлиис Вера Чупрова, методист Эмма Давыдова улахан уопуттарын үллэһиннилэр. «Хатынчаана» уhуйаан иитээччилэрэ сүбэ биэрэр методическай киин туһунан үлэлэрин уопутун билиһиннэрдилэр, «Солнышко» тэрилтэ дириэктэрэ Юлия Никитина доруобуйаларынан хааччахтаах оҕолору кытта үлэни сырдатта, санаатын үллэhиннэ. «Былааннаах тэрээһин чэрчитинэн «Хатынчаана» уһуйаан (сэб. Саргылана Петрова) эбии үөрэхтээһиҥҥэ педагогтарын уонна тѳрѳппүттэрин кѳмѳлѳрүнэн оҕолору саахымат курдук уустук остуол оонньуутугар үөрэтэргэ сайыннарыылаах эйгэни тэрийэн үлэлэтэллэр, куйаар ситимин муннуга, педагогтар быыстапкалара улахан сэҥээриини ыллылар. «Национальнай демография» бырайыгынан Өнньүөс нэһилиэгэр саҥа тутуллубут «Дуораанчык» оҕо уhуйаанын (сэб. Полина Кононова) дьиэтин, ис-тас киэргэтиитин астына көрдүлэр, ѳр сыллаах экологическай иитиигэ уопуттарын сэргээн иhиттилэр, бэчээккэ тахсыбыт босуобуйаларын билистилэр. «Судаарыстыбаннай уонна чааһынай бииргэ үлэлээһин» бырагырааманан тутуллубут Болугур «Колосок» уһуйаан дьиэтин (сэб. Марфа Афанасьева) бырайыагын, киэн-куоҥ бөлөхтөрүн биhирээтилэр, оҕолорго робототехниканы, стем-үөрэхтээһини ыыталларын кѳрдүлэр. Норуот маастара, методист Ульяна Михайлова быыстапкатын биһирээтилэр, кэпсээнин интэриэһиргээн иһиттилэр. Арассыыйа
худуоһунньуктарын сойууһун чилиэнэ Николай Рязанскай
быыстапкатыгар сылдьан, «Саха уһуйаана» сиэрийэнэн тахсыбыт худуоhунньук хартыыналарынан таҥыллыбыт «Киистэ кэпсээнэ» биллэрэр-көрдөрөр карточкаларын ааптар Екатерина Рязанская кэпсээбитин астына, дуоhуйа иhиттилэр. Кэлбит ыалдьыттар тэрээhин үрдүк таhымҥа барбытын, олус туһалааҕын бэлиэтээтилэр, ирэ-хоро кэпсэттилэр, санааларын атастастылар. Улуус үѳрэҕириитин салайааччытыгар Юрий Шишигиҥҥэ, исписэлиистэргэ, тэрийээччилэргэ махтанан, үѳрэн-кѳтѳн тарҕастылар. Икки күннээх улахан таһымнаах тэрээһин туһалаахтык ыытыллыбытыгар бары кѳмѳлѳспүт уһуйааннар салайааччыларыгар махталбытын тиэрдэбит», — диэн этэр үѳрэх салалтатын оскуола иннинээҕи үөрэхтээһин сүрүннүүр исписэлииһэ Вера Чупрова.


31.03.2022 сыл.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s